ဖြေ။ ။ ဘယ်သူကမျှ ဒုက္ခရောက်အောင် လုပ်နေလို့ မဟုတ်ပါ။ ကိုယ့်ဒုက္ခ ကိုယ်ဖန်တီးတာသာ ဖြစ်ပါတယ်။ စိတ်မှာ စနောင့်စနင်းဖြစ်လို့ မကျေနပ်မှု ၊ မခံချင်မှုဆိုတာတွေကြောင့် ဒုက္ခတွေကြုံကြရတာပါ။ အဲဒီစိတ်စနောင့်စနင်းဖြစ်တာဟာ ကိုယ်လုပ်တဲ့အလုပ်ပါ။ မလုပ်မိဖို့ စိတ်ကိုထိန်းကျောင်းတတ်ရင် ဘယ်လိုအခြေအနေမျိုးနဲ့ ကြုံရကြုံရ စိတ်ကိုအေးအေးသာသာ ထားနိုင်လာပါလိမ့်မယ်။ အဲဒီအခါမှာ အမြဲပျော်ရွင်ချမ်းသာနေပါလိမ့်မယ်။
မေး။ ။ တစ်ယောက်ယောက်က ကိုယ့်ကိုမဟုတ်တာလုပ်ရင် ဘယ်လိုသဘောထားရမလဲ။
ဖြေ။ ။ မဟုတ်တာကို ဘယ်သူမျှမလုပ်စေနဲ့ ။ မဟုတ်တာလုပ်တဲ့သူဟာ သူတစ်ပါးအပေါ် အန္တရာယ်ဖြစ်စေရုံမျှမက မိမိကိုယ်ကိုလည်း အန္တရာယ်ပြုသူဖြစ်ပါတယ်။ မဟုတ်တာလုပ်တဲ့သူကို လက်ပိုက်ကြည့်နေရင် မဟုတ်တာလုပ်ဖို့ အားပေးအားမြှောက်လုပ်ရာ ရောက်ပါလိမ့်မယ်။ မလုပ်နိုင်အောင် ခွန်အားရှိသလောက် အသုံးပြုပြီး တားဆီးရပါမယ်။ စာနာစိတ် ၊ သနားစိတ်မရှိသူကို ဆန့် ကျင်ရမှာဖြစ်ပါတယ်။ ကိုယ့်က ဒေါသစိတ် ၊ မုန်းတီးစိတ်နဲ့ တားဆီးရင်တော့ အခြေအနေပိုဆိုးသွားလိမ့်မယ်။ မတော်တာလုပ်နေတဲ့သူတစ်ယောက်အပေါ်မှာ မေတ္တာထားပြီး ကြားဝင်ရဖို့ ဆိုတဲ့ ကိစ္စမှာ ကြားဝင်ရဲ့ စိတ်က တည်ငြိမ်အေးချမ်းနေမှသာ ဖြစ်နိုင်ပါတယ်။ ဒါကြောင့် ကိုယ့်အတွင်း သန္တာန်မှာ အေးချမ်းနေအောင် အားထုတ်ပါ။ တည်ငြိမ်အေးချမ်းတဲ့စိတ်ရှိသူအဖို့ ပြဿနာကိုဖြေရှင်းနိုင်ပါလိမ့်မယ်။
မေး။ ။ ကမ္ဘာကြီးမှာ ငြိမ်းချမ်းမှုမရှိတဲ့ကြားမှာ ကိုယ့်အတွင်းသန္တာန်မှာ ငြိမ်းချမ်းမှုရှာတာဟာ အဓိပ္ပာယ်ကင်းမနေပေဘူးလား။
ဖြေ။ ။ ကမ္ဘာသူ ကမ္ဘာသားမှာ ငြိမ်းချမ်းမှုရှိကြမှသာ ကမ္ဘာငြိမ်းချမ်းပါလိမ့်မယ်။ လူတစ်ယောက်စီရဲ့ စိတ်မှာ ပြောင်းလဲဖို့ ကိစ္စကို အရင်စပြီးလုပ်ကြမှာဖြစ်ပါတယ်။ တောတစ်ခုညှိုးခြောက်နေရင်တောင် တောထဲရှိ သစ်ပင်တစ်ပင်စီကို ရေလောင်းပေးမှသာ တောဟာ ပြန်လည်လန်းဆန်းစိုပြေလာနိုင်ပါလိမ့်မယ်။ ကမ္ဘာ့ ငြိမ်းချမ်းရေးကို လိုလားတယ်ဆိုရင် ကိုယ်တိုင်က ငြိမ်းချမ်းစွာနေတတ်အောင် လေ့လာအားထုတ်ဖို့ လိုပါတယ်။ ဒါမှသာ ကိုယ့်ပယောဂနဲ့ ကမ္ဘာကို ငြိမ်းချမ်းအောင် လုပ်နိုင်မှာဖြစ်ပါတယ်။
မှတ်ချက်။ ။
ဦးတင်ဦး ( မြောင် ) ဘာသာပြန်ဆိုထားသော The Art of Living , Vipassana meditation as taught by S.N.Goenka , William Hart စာအုပ်ကို ကိုယ်တိုင်ဖတ်ရှု့ မှတ်သားပြီး သကာလ ပြန်လည်စာစီ စာရိုက်ခြင်းပြုကာ ကျွှန်တော့်မိတ်ဆွေသူငယ်ချင်းများ ဗဟုသုတတိုး ၊ မှတ်သားစရာများ မှတ်သားစေခြင်းအလို့ ဌာ ပြန်လည်ကုသိုလ်ပြုဖော်ပြခြင်းဖြစ်ပါတယ်ခင်ဗျာ။
