သူဟာ အိမ်ထောင်ကျတဲ့အခါ ယောင်နောက်ဆံထုံးပါ လင်ယောက်ျားရှိရာလိုက်နေရတာပေါ့…။ လင်ယောက်ျားကိုချစ်လို့သာလိုက်နေရတာ ယောက္ခမနဲ့တော့ အဆင်ပြေပါဘူး…။
များမကြာမီမှာပဲ မိန်းကလေးဟာ သူ့ယောက္ခမကြီးနဲ့ ရေရှည်စခန်း သွားလို့ဖြစ်မှာ မဟုတ်ဘူးဆိုတာ သဘော ပေါက်လာတယ်။ တစ်ယောက်နဲ့ တစ်ယောက် စိတ်သဘောထားချင်းက အလွန်ကွာခြားနေ ပါတယ်…။ ချွေးမလုပ်သူက ယောက္ခမရဲ့  လုပ်ရပ်တွေကို မကြိုက်သလို…ယောက္ခမကလည်း ချွေးမကို တစ်စက်မှ ကြည့်မရဖြစ်နေပါတော့တာပေါ့…။
သူတို့နှစ်ယောက်က အမြဲတကျက်ကျက်ဖြစ်နေတော့ မိန်းကလေးရဲ့  ခင်ပွန်းဖြစ်တဲ့ ကောင်လေးကလည်း အတော်စိတ်ဆင်းရဲနေရပါတယ်…။
ချွေးမဖြစ်သူဟာ ယောက္ခမရဲ့  ဖိနှိ်ပ်မှုဒဏ်ကို ဘယ်လိုမှ သည်းမခံနိုင်တော့တဲ့အဆုံးမှာတော့ ဆုံးဖြတ်ချက် တစ်ခုကို ခိုင်ခိုင်မာမာ ချလိုက်ပါတယ်…။ ဒါကြောင့် သူ့အဖေရဲ့ သူငယ်ချင်း တစ်ယောက်ဆီ သွားပြီး အကူအညီ တောင်းပါတယ်…။ အဲဒီသူကတော့ ဈေးထဲမှာ ပရဆေးရောင်းတဲ့သူပါ…။ မိန်းကလေးဟာ သူ့နဲ့ သူ့ယောက္ခမရဲ့  အခြေအနေအကြောင်းစုံကို ရှင်းပြပါတယ်…။ ပြီးတော့ဒီလိုပြောတယ်…
“ဒါ့ကြောင့် ဦးလေးမှာ အဆိပ်ဖြစ်စေတဲ့ ဆေးတစ်မျိုးမျိုးများမရှိဘူးလား…စားတဲ့သူ မရိပ်မိစေတဲ့ဟာမျိုးပေါ့ …ဒါဆိုတစ်ခါတည်း ဒီမိန်းမကြီးသေပြီး ပြဿနာတွေအကုန်အေးရော…”
ဆိုတော့ ဟိုလူကြီးက တစ်ချက်စဉ်းစားလိုက်ပြီး ပြန်ပြောတယ်…
“ အေးဟ…ငါ့မှာ အဆိပ်တစ်မျိုးတော့ရှိတယ်… ဒါပေမယ့် နင် ငါပြောတဲ့အတိုင်း အတိအကျလိုက်နာဖို့ တော့လိုမယ်… တခြားဘယ်သူမှ ရိပ်မိလို့လည်းမဖြစ်ဘူး…ငါပြောတဲ့အတိုင်းနင်မလိုက်နာရင် နင်ရောငါပါ ပြဿနာအကြီးကြီးတက်ကုန်လိမ့်မယ်…”
“ စိတ်ချုပါဦးလေးရာ…ဦးလေးပြောတဲ့အတိုင်းကျမအတိအကျလိုက်နာပါမယ်…”
ဒီတော့ ဦးလေးကြီးက ဆိုင်နောက်ထဲဝင်သွားပြီး အတော်ကြာတော့ လက်ထဲမှာအထုတ်လေး တစ်ထုတ်ပါ လာတယ်…။
“ငါတို့ ချက်ချင်းသေစေတဲ့ အဆိပ်ပြင်းကိုသုံးလို့မရဘူးဟ…လူတွေရိပ်မိကုန်မယ်…ဒီတော့ ငါအဆိပ်တစ်မျိုး ဖော်ထားတာရှိတယ်…ဒီအဆိပ်က တဖြည်းဖြည်းချင်း အာနိသင်ပြတဲ့အဆိပ်မျိုး …ဘယ်သူမှလည်း မရိပ်မိ တော့ ဘူးပေါ့ဟာ…နေ့စဉ်သူ့ကို ဖွယ်ဖွယ်ရာရာဟင်းတွေချက်ပြီး ဒီဆေးလေးတွေနည်းနည်းချင်းခပ်ပေး…သူကိုယ်တိုင်ရော တစ်ခြားသူတွေရောမရိပ်မိအောင် နင်ဘက်ကတော်တော်ဂရုစိုက်ဖို့လိုမယ်…သူ့ကို ကောင်းကောင်းမွန်မွန်ဆက်ဆံ…သူနဲ့ပြိုင်ရန်မဖြစ်နဲ့…အတတ်နိုင်ဆုံးသည်းခံပေး…ကိုယ့်ရဲ့ အရှင်သခင် တစ်ယောက်လိုသဘောထားပြီး သူပြောသမျှနာခံပေး…ဒါဆို သူသေသွားခဲ့ရင် နင့်ကြောင့်ဆိုတာ ဘယ်သူ မှ မရိပ်မိတော့ဘူး…”
မိန်းကလေးဟာ ပျော်ရွှင်သွားပြီး အိမ်ပြန်ကာ ယောက္ခမကြီးကို သတ်ဖို့စီမံကိန်းအား စတင်အကောင် အထည်ဖော်ပါတော့တယ်…။
ရက်လတွေအတော်ကြာအောင် ချွေးမလေးဟာ သူ့ယောက္ခမအတွက် ဖွယ်ဖွယ်ရာရာတွေကိုယ်တိုင်ချက် ဆေးလေးတွေခပ်ခပ်ပြီး ကိုယ်တိုင်ခူးခပ်ကျွေးပါတယ်…။ ပရဆေးရောင်းတဲ့ ဦးလေးကြီး မှာတဲ့အတိုင်း လည်း ဘယ်သူမှ မရိပ်မိအောင် သူ့စိတ်ကိုသူထိန်းပြီး ယောက္ခမပြောသမျှကို သည်းခံနေပါသတဲ့…။ သူရဲ့ အမေအရင်းတစ်ယောက်လို ဆက်ဆံပါတယ်…။ ဒီလိုနဲ့ ခြောက်လလောက်အကြာမှာတော့ အိမ်တွင်းရေး အခြေအနေတွေက အရင်ကလိုမဟုတ်တော့ဘဲ ပြောင်းလဲသွားပါသတဲ့..။
ချွေးမလေးဟာ သူစိတ်ကိုသူ ထိန်းတာကြာလာတော့ အရင်လို ဒေါသစိတ်တွေနဲ့ ထူပူမနေတော့ဘဲ …စိတ်အေးချမ်းလာပါတယ်…။ သူ့ယောက္ခမကြီးနဲ့ ရန်မဖြစ်ဘဲ ခြောက်လလောက်နေလာခဲ့တော့မှ…ယောက္ခ မကြီးဟာ ကြင်နာတတ်သူ ဆက်ဆံရေးကောင်းတဲ့သူမှန်း သိလာပါတော့တယ်…။
ယောက္ခမကြီးရဲ့ စိတ်သဘောထားဟာလည်း ချွေးမလေးအပေါ် ပြောင်းလဲလာပါတယ်…။ သူ့သမီးအရင်း လေးတစ်ယောက်လို ချစ်ခင်လာသတဲ့…။ သူမိတ်ဆွေတွေ တခြားဆွေမျိုးတွေနဲ့ တွေ့ရင်လည်း သူ့ချွေးမ လေးဟာ သူတွေ့ဖူးသမျှချွေးမတွေထဲမှာ အတော်ဆုံးပဲဆိုတာ ချီးမွမ်းခန်းဖွင့်လို့မဆုံးပါဘူးတဲ့…။ ဒီအချိန်မှာ တော့ သူတို့နှစ်ယောက်ဟာ တကယ့်သားအမိအရင်းတွေလို ချစ်ခင်သွားကြပါတော့သတဲ့…။ မိန်းကလေးရဲ့ ယောက်ျားဖြစ်သူဟာလည်း ခုလိုအမေနဲ့ မိန်းမ အဆင်ပြေသွားတာတွေ့တော့ အလွန်ဝမ်းသာနေပါတော့ တယ်…။
တစ်နေ့မှာတော့… ချွေးမလေးဟာ ဈေးထဲကိုအပြေးသွားပြီး ပရဆေးရောင်းတဲ့ ဦးလေးကြီးကို မျက်ရည် စက်လက်နဲ့ ပြောပါတယ်…
“ ဦးလေးရယ်…ကယ်ပါဦး…ဦးလေးတစ်ခါပေးလိုက်တဲ့ အဆိပ်တွေ အတွက်ဖြေဆေးမရှိဘူးလား…ကျမ ယောက္ခမကြီးက သူတော်ကောင်းမကြီးဆိုတာ ခုမှသိတယ်…ကျမသူ့ကို အမေအရင်းလိုပဲ သံယောဇဉ်ဖြစ် နေပြီ .. ကျမတိုက်တဲ့ အဆိပ်ကြောင့်သူ့ကို မသေစေချင်ဘူး…”
ဒီတော့ ဦးလေးကြီးက သက်ပြင်းတစ်ချက်ချရင်း ပြန်မေးပါတယ်…
“ ငါ့တူမ…နင်ပဲ အဲဒီတုန်းကပြောတော့ ဒီမိန်းမကြီးမရှိမှ စိတ်ချမ်းသာမှာဆို…”
“အဲ့ဒါက အဲ့ဒီတုန်းကလေ…ခုမှကျမ သူကောင်းမှန်းသိရတာ…ကယ်နိုင်ရင်ကယ်ပါဦး ဦးလေးရယ်…တောင်း ပန်ပါတယ်…”
လို့ပြောကာမျက်ရည်တွေကျဆင်းလာပါတော့သတဲ့…ဒီတော့မှ ဦးလေးကြီးက မိန်းကလေးရဲ့ ခေါင်းကို အသာပုတ်ပြီး…
“ ဒီအတွက်ဘာမှ မစိုးရိမ်ပါနဲ့ကွယ်…ဦးလေး နင့်ကို ဘာအဆိပ်မှမပေးလိုက်ပါဘူး…ဦးလေးပေးလိုက်တာ…အားဆေးတွေပါ…သူ့အတွက်ပိုလို့တောင် ကျန်းမာရေးအထောက်အကူပြုသေးတယ်…တကယ်အဆိပ်သင့် နေတာက တူမကြီးရဲ့  စိတ်နေသဘောထားတွေပါ…ဒါပေမယ့် အဲ့ဒီအဆိပ်တွေဟာလည်း တူမကြီးသူ့ အပေါ်ထားတဲ့စေတနာ မေတ္တာတွေက ဆေးကြောသန့်စင်နိုင်ခဲ့ပါပြီ…”
Ref; https://www.facebook.com/punna.settha
No comments:
Post a Comment